تعطير الجسم ...من الداخل

--------------------------------------------------------------------------------


السلام عليكم ورحمة اله وبركاته

اهلين خواتي حبيباتي

اشوف تسالون عن خلطة تعطير افرازات الجسم واقصد من كلمة افرازات يعني كلو ( ريق - عرق - و...... عرفتو )

انا ماحطيتها بردي على موضوع وحدة من الاخوات كانت تسال عنها لانو راح تصير بصفحة يالله ترحمني يمكن رقم اربعة او خمسة
يعني بالعربي ما احد راح يطالعها

اعرف كثرنا الهرج

عموما نصل للب الموضوع ......... انا من كم شهر اتصفح بالمنتدى (هذا ماغيرو حبيب قلبي والله )

ولقيت وحدة من الاخوات جزاها ربي خير والجنة بعد ........ كانت كاتبة عن خلطة تنشرب لتعطير افرازات جسم المرأة ) .........المهم ........
عن تجربتي الشخصية



انا لقيت المكونات متوفرة قلت يالله ما ورانا شي نجرب وفعلا طلع كلامها خطير وزين بعد لانو شفت نتيجة يمكن من ثاني يوم ........

هذي خلطتها بس ترا ناسية المقادير ومافيها شي لو ماطلعت نفسها لانو انا اخربطها اي كلام واشربها وتجيب نتيجة السر بالمكونات مو المقادير

برتقالة + بيالة شاي ماء ورد + ملعقة عسل اصلي ( زي عسل سدر وادي النحل ... عسل خطيييير يهبل )

المهم تخلطونها سوى وتنشرب كل 3 ايام مرة ........ لعلمكم الاخت كانت تحط عصير البرتقالة بس ...انا اقشر البرتقالة واقطعها قطع صغيرة واضيف عليها ماء الورد وملعقة العسل واكلها ........ كذا افيد بكثير

رجاءاً .... ترى لو ماجربتها بنفسي ما اكتب لكم عنها ....... والنتيجة من ثاني او ثالث يوم تحسونها ( انا كنت احيانا كل يوم اتناولها....... بس بعدين خففت )

بتلاقون العرق ريحتو متغيرة وفيه من ريحة الخلطة شوي ( ريحة خفيفة جدا ....... انا عني حسيتها وشميتها ... مدري عنكم ..... النتيجة ممكن تختلف من جسم للثاني)

وبالنسبة للريق كمان راح يتغير حبة ........ تلاقي ريحة النفس وطعم اللعاب متغير للافضل

اما عن اللي شاغل بالكم وهو الافرازات النسائية ........ ذي راح تشوفو عليها نتيجة بإذن الله وواضحة كمان


يارب اكون افدتكم بشيء زي ما فدتوني كثير يالغاليات



واخيرا دعواتكم لي بالخير ولصاحبة الخلطة الاساسية ان ربي يجزاها خير ويسعدها




للأمانة الموضوع منقوووووووووووول وأن شاء الله مايكون مكرر